Қазақстан Республикасының табиғи монополияларды реттеу Агенттігінің 20.02.2009ж. №57-ОД бұйрығымен бекітілген «Жеке тұлғалармен электр энергиясын тұтыну көлеміне тәуелді және /немесе/ тәулік зоналары бойынша тарифтерді энергиямен жабдықтау ұйымдарымен саралау Ережесімен» бекітілген тәртіпке сәйкес Тұтынушылар көп мөлшерлемелі есептеу аспабын қондырып, энергиямен жабдықтаушы ұйымға сараланған тарифтерді белгілеу туралы өтініш білдіреді. Содан кейін тұтынылған электр энергиясы үшін тәуліктік зоналары бойынша сараланған тарифтермен төлм жүргізеді.

            Заңды тұлғалар үшін тәулік зоналары бойынша сараланған тарифпен төлеуге арналған үш зоналық тарифтер:

-         күндізгі зона (7.00 – 19.00 аралығында) – ҚҚС-сыз 14,10 тг/кВт.сағ.;

-         кешкі зона (19.00 – 23.00 аралығында) – ҚҚС-сыз 25,9095 тг/кВт.сағ.;

-         түнгі зона (23.00 – 7.00) – ҚҚС-сыз 3,764 тг/кВт.сағ.

Көп тарифті есептеу аспабын тұтынушының өзі алып, қондырады.  Көп тарифті есепке алу аспабын қондыру алдында абоненттер  электр есептегіштерін «Атырау Жарық» АҚ-ның метрологиялық қызметіне тарифтік кестенің сәйкестігін тексеру мен қорғаныш паролін орнату үшін тапсырулары қажет. Бұл тексеру қалыптасқан үлгідегі акт жасау арқылы ақысыз жүргізіледі.

Тұтынушының тапсырысы бойынша энергия беруші ұйым қолданыстағы есеп желісінен пломб түсіруді жүргізеді, осыдан соң ғана Сіз сараланған есептеу құралын орнатасыз. Содан кейін тағы да Сіздің тапсырыңыз бойынша біздің қызметкерлеріміз қосылу схемасын тексеріп, техникалық қадағалау актісін жасай отырып есепті пломбылайды.

Көп тарифті электр есептеу құралын аларда келесіге көңіл бөлуіңізді сұраймын:

Қазақстан Республикасы Үкіметінің  07.12.2000ж. №1182 қаулысымен бекітілген  коммуналдық қызмет көрсетуді ұсыну Ережесінің 36-тармағына сәйкес «... Электр тұтынудың 100 кВт. астам шарттық қуаты бар, бекітіліп жеткізілген электр энергиясы тұтынушыларда тұтынылған электр энергиясы, жүктемелердің қуаты мен сағаттық кестесі туралы деректерді жадында ұзақ уақыт сақтайтын активті және реактивті энергияның коммерциялық есепке алу есептеуіштері болуы тиіс.

Электр тұтынудың 40-100 кВт шарттық қуатымен еркін жеткізілген  электр энергиясын тұтынушылардың тұтынылған электр энергиясы туралы деректерді жадында ұзақ уақыт сақтайтын активті және реактивті энергия мен ең жоғары қуатты есептеуіштері болуы қажет.

Электр тұтынудың 40 кВт дейінгі шарттық қуатымен электр энергиясы еркін жеткізілген тұтынушылардың активті энергия есептеуіштері болуы қажет».

Атырау облысы мен Атырау қаласының тұрмыстық тұтынушылары үшін 2009 жылдың 20 тамызынан бастап электр энергиясы үшін 12% қосалқы құн салығымен (бұдан әрі ҚҚС) 5 тенге болатын орта тариф қолданылады.

            Қазіргі уақытта тұрмыстық тұтынушылар тәулік зоналары бойынша сараланған тарифпен немесе тұтыну көлеміне сараланған тарифпен есеп айырыса алады.

            Жеке тлғалармен электр энергиясын тұтыну көлеміне қарай (ҚҚС –мен қоса):

-         электр плитасын қолданбайтын жеке тұлғалар үшін ең төменгі тариф (тұтыну мөлшері 90 кВт/сағ.) - 4,84 тг/Квт.сағ (ҚҚС-мен);

-         электр плитасын қолданатындар үшін ең төменгі тариф (тұтыну мөлшері 110 кВт/сағ.) – 4,67 тенге(ҚҚС-мен);

-         тұтынушылардың осы екі санатындағыларға электр тұтыну белгілі нормадан асып түссе ең жоғарғы тариф 5,99 тг/кВт.сағ. (ҚҚС-мен) мөлшерлемелері қолданылады.

Тұрмыстық тұтынушылар үшін тәулік зоналары бойынша сараланған тарифтер мөлшерлемелері (ҚҚС-мен 12%):

-         күндізгі тариф (сағ.7.00-23.00 аралығында) – қосалқы құн салығынсыз 5,47 тг/кВт.сағ. немесе ҚҚС-мен 6,1264 тг/кВт.сағ.;

-         түнгі тариф (сағ.23.00-7.00 аралығында) – ҚҚС-сыз 1,1908 тг/кВт.сағ. немесе ҚҚС-мен 1,3337 тг/кВт.сағ.

Тәулік зоналары бойынша сараланған тарифтермен төлеуге көшу үшін тұтынушыларға арнайы көп тарифті есепке алу аспабын иелену және қондыру қажет. Көп тарифті есепке алу аспабын қондыру алдында абоненттер  электр есептегіштерін «Атырау Жарық» АҚ-ның метрологиялық қызметіне тарифтік кестенің сәйкестігін тексеру мен қорғаныш паролін орнату үшін тапсырулары қажет. Бұл тексеру қалыптасқан үлгідегі акт жасау арқылы ақысыз жүргізіледі.

ҚР табиғи монополияларды реттеу Агенттігінің Атырау облысы бойынша Департаментімен Атырау облысы әкімінің келісімімен Атырау қаласы үшін электр плитасын қолданатындар мен қолданбайтындардан бөлек тұрмыстық тұтынушылар үшін пәтерде немесе жеке тұрғын үйдегі кісі басына электр энергиясын тұтыну мөлшері анықталған. СНИП талаптарына сәйкес газдандыруға жатпайтын үйлердің немесе үй құрылысының жобасымен оны газдандыру көзделмеген болса тұрмыстық тұтынушы электр плитасын қолданушы болып танылады.

Есептеу тұтынушы ұсынған ақпарат негізінде тұрғындар саны бойынша жүргізіледі. Аталған есептеуге азаматтарды тіркеу кітабы /үй кітабы/ немесе ПИК мөрімен бекітілген анықтама негіз болып табылады. Тұтынушы жоғарыда көрсетілген ақпаратты «АтырауЭнергоСату» ЖШС-не табыстағаннан кейін ғана квитанцияда пәтерде /үйде/ нақты тұратын адамдар саны бойынша есептеу көрсетілетін болады.